PONTEVEDRA

Minuto de silencio con motivo dos dous últimos feminicidios producidos en España

No minuto de silencio participaron, ademais do subdelegado e da Policía Nacional, os xefes provinciais de servizos estatais que durante o día de hoxe participaron na Comisión de Asistencia ao subdelegado

Foto: S. do G.

Infogauda / Pontevedra

 O subdelegado do Goberno, Abel Losada, convocou un minuto de silencio con motivo dos dous últimos feminicidios producidos en España. Son os casos dunha muller de 48 anos, asasinada en Valencia, agredida o pasado día 6 e falecida o 9; e dunha muller de 36 anos, asasinada en Tarragona o día 8. Con elas son 47 as vítimas mortais no que vai deste ano.  

 No minuto de silencio participaron, ademais do subdelegado e da Policía Nacional, os xefes provinciais de servizos estatais que durante o día de hoxe participaron na Comisión de Asistencia ao subdelegado. Deste xeito asistiron a este acto a delegada provincial de Economía e Facenda; a directora do centro penitenciario da Lama; a xefa provincial de Tráfico; os capitáns marítimos de Vigo e Vilagarcía; a xefa da Inspección de Traballo; o xefe da Unidade de Estradas del Estado; a directora provincial do SEPE; o xefe provincial do FOGASA; o xefe provincial de MUFACE; o xefe provincial de Costas; a directora territorial de Comercio e ICEX; o director do Centro Oceanográfico de Vigo; o director da Misión Biolóxica; os directores e directoras provinciales do Instituto Nacional da Seguridade Social, Tesourería da Seguridade Social e do Instituto Social da Marina e, finalmente, o xefe provincial da Inspección de Telecomunicacións.