A GUARDA

A gastroneta de Galicia Sabe Amar visitará A Guarda  

•  Este sábado, 21 de xuño, de 18:00 a 22:30 horas, no Campo Multiusos do Codesal,  aproveitando a proba do II Trail Camposancos ó solpor 

Infogauda / A Guarda

 A campaña Galicia Sabe Amar volve á Guarda, este sábado, 21 de xuño,  de 18:00 a 22:30 horas, ao Campo Multiusos do Codesal, con motivo do II Trail Camposancos ó solpor. 

 O motivo desta campaña é animar á cidadanía a consumir produtos do mar; impulsar a súa venda; e poñer en valor o labor dos profesionais da pesca e do marisqueo.  

 Na gastroneta de Galicia Sabe Amar as persoas visitantes e veciñas, poderán degustar algún dos petiscos pensados para a campaña, realizados a base de produtos certificados do mar e da terra.  

 Para desfrutar destes produtos soio é preciso achegarse ata o Campo Multiusos do Codesal, en Camposancos.