A ASOCIACIÓN TITO LEMOS ACTIVA AS CANLES PARA AS ACHEGAS PRO-MONUMENTO AO DOUCTOR JOAQUÍN LEMOS ZUNZUNEGUI
E presenta as primeiras imaxes da obra escultórica que está realizando Magín Xulio Picallo
Ricardo Rodríguez Vicente / A Guarda
En coordinación coa familia do relembrado médico Dr. Joaquín Lemos Zunzunegui, a Asociación Tito Lemos, vén de facer público o IBAN (Código Internacional de Conta Bancaria), onde todas as persoas que o desexen, poidan facer súas aportacións económicas para sufragar á realización do monumento, da autoría do escultor Magín Xulio Picallo Durán, que será eirixido - en data que será dada a coñecer oportunamente -, na vila de A Guarda, moi preto do lugar onde o Dr. Lemos atendía a seus pacientes.
A conta bancaria - aberta en ABANCA, sucursal de A Guarda - é a seguinte:
ES60 2080 5038 4030 4003 2524
Asemade, tamén se poderán efectuar as achegas económicas mediante Bizum, marcando Donación e identificación - indicando o seguinte ID: 06004
Todas as persoas que realicen seus donativos poden comunicalo a Asociación Tito Lemos enviando un correo electrónico ao seguinte enderezo:
titolemosasociacion@gmail.com
O monumento ao Dr. Lemos, constará dunha base de pedra do país, no que se apoiará un busto de bronce, representando a efixie do prezado médico.
Ningún comentario:
Publicar un comentario