A GUARDA

O Concello dará a benvida ao Nadal 

Este xoves día 5 de decembro, a partir das 18:00 horas, na Praza do Reló
 

De esq. a der.: Fátima Rodríguez Marcos, concelleira de Comercio e Desenvolvemento Local; Antonio Lomba Baz, alcalde da Guarda; e Mª Montserrat Magallanes Álvarez, concelleira de Cultura, na presentación da Axenda de Nadal
Fotos: C.A.G.

Infogauda / A Guarda

 A Casa dos Alonso acolleu ao mediodía de hoxe a presentación da Axenda coa programación para este Nadal 2019/20, que ven cargado de actividades para nenos e maiores. 

 Nese acto interviron Antonio Lomba Baz, alcalde da Guarda; Fátima Rodríguez Marcos, concelleira de Comercio e Desenvolvemento Local; e Mª Montserrat Magallanes Álvarez, concelleira de Cultura. 

 Tal e como quedou de manifesto A Guarda terá un Nadal moi especial este ano, repetindo a Pista de Xeo na Alameda da vila, incorporando un Mercado de Nadal na Praza de Avelino Vicente González e un espazo para obradoiros e actividades infantís na Praza de Juan Bautista Alonso Español. E para por o broche final, unha Cabalgata de Reis Magos moi especial. 

 As actividades programadas arrancan xa na xornada deste xoves día 5 a partires das 18:00 horas na Praza do Reló, coa actuación de Mere-Clown co espectáculo “Aparvaolimpiadas”, o acendido do alumeado de Nadal e o concerto infantil de “Luis Vallecillo”.  

Variedade de propostas para todas as idades 

 Entre as actividades culturais destacan animación e ludoteca para nenos/as, concertos para a mocidade, cantos de Nadal e concertos do conservatorio.  

 Tamén cabe destacar a implicación por parte das asociacións, que colaboran como cada ano na decoración das prazas na campaña Decora o Teu Nadal e acompañando ós Reis Magos na Cabalgata do día 5 de xaneiro, ou organizando mercadillos solidarios, exposicións, chocolatadas e sorteos de cheques regalo.  

 Contaremos ademais como no ano anterior cunha Pista de Xeo na Alameda da Guarda, e como novidade deste ano, un Mercado de Nadal na Praza de Avelino Vicente e acompañamento das carrozas de “La Fiesta Escénica” na Cabalgata de Reis cun percorrido que comezará ás 18:00 horas dende a Alameda ata o concello . 

 Este ano preténdese sacar á rúa a programación de actividades de Nadal, xerando un maior movemento de persoas pola vila, favorecendo a mobilidade de veciños e visitantes polo casco urbano e incentivando as compras no comercio local.  

Pista de Xeo na Alameda

 A Alameda da vila contará novamente cunha pista de xeo que estará en funcionamento do 5 de decembro ao 19 de xaneiro. 

 O horario da pista de xeo será de Luns a venres de 16:00 a 21:30 horas e as fins de semana de 12:00 a 14:00 horas e de 16:00 a 21:30 horas, cun horario especial para o 25 de decembro, 5 e 6 de xaneiro de 16:00 a 21:30 horas e os días 24 e 31 de decembro de 12:00 a 14:00 horas e de 16:00 a 20:00 horas. 

 Este ano establécese un sistema de puntos que permitirá facer promocións a través das empresas locais. Cada entrada para a pista de xeo terá un custo de 7 puntos e cada punto terá un valor de 1€. 

 Todos aqueles comercios que desexen dispor de puntos para a pista de xeo poderán mercar os que desexen na empresa colaboradora - Informática San Benito - no teléfono 986 60 89 20. Tamén se poderán mercar in situ na pista de xeo. 

 As empresas que se adhiran ao sistema de puntos deberán de manter o seu compromiso de dispor de puntos nos seus establecementos ao longo da duración da campaña de Nadal, do 5 ao 19 de xaneiro, o seu reparto entre os seus clientes queda á elección de cada comerciante. Os puntos que non se consuman ao remate da campaña serán reembolsados. Cada local participante aparecerá nunha lona na propia pista de xeo e terá un cartel anunciador da campaña no seu establecemento. Tamén se disporá de espazos publicitarios no interior destas instalacións, un lugar para dar visibilidade aos servizos e produtos das empresas que desexen incluír publicidade alí. 

 Dende o Concello da Guarda recórdase ao comercio e ao sector hostaleiro o importante esforzo económico que supón traer novamente á Guarda unha pista de xeo, polo que se pide a súa colaboración e implicación para facer que o seu funcionamento sexa o agardado e se converta nunha tradición do Nadal guardés. 

 Coa instalación desta Pista de Xeo preténdese incentivar o consumo e as estancias de visitantes na Guarda, nunha das épocas de maior afluencia e máis importantes para o tecido económico guardés como é o Nadal.

AXENDA DE NADAL 2019/20

A pista de xeo xa está montada na Alameda

DECEMBRO

- XOVES 5 DECEMBRO

Acendido do Alumeado coa actuación de Mere-Clown “Aparvaolimpiadas” e “Luis Vallecillo” concerto infantil.

Na praza do reló a partir das 18:00 h. (ás 19:00 encendido de luces)

- XOVES 12 DECEMBRO

Anotación de paxes reais para participar na cabalgata de reis

No Rexistro Xeral ou Sede Electrónica  a partir das 9:00 h

Actuación do Coro Infantil do Conservatorio

Na Praza do Reló ás 20:00 h.

- SÁBADO 14 DECEMBRO

Mercadillo de Conrazones

Na Praza do Monterreal de 10:00 a 18:00 h.

- DOMINGO 15 DECEMBRO

Mercadillo de Conrazones

Na Praza do Monterreal de 10:00 a 18:00 h.

- XOVES 19 DECEMBRO

Obradoiro “Agasallos de nadal”

Na casa dos Alonso ás 18:00  (inscripción previa en información@aguarda.es, maiores de 12 anos)

Concerto de Nadal do Conservatorio

No Centro Cultural ás 20:00 h.

- SÁBADO 21 DECEMBRO

Chocolatada ACIGU

No Monterreal a partir das 10:00 h.

Cantos de Nadal nas prazas cos Grupos Folclóricos da vila.

Recorrido: Alameda – Avelino Vicente – Praza do reló, a partir das 18:30 h.

- DOMINGO 22 DECEMBRO

Concerto de Panxoliñas.

Na Igrexa Parroquial ás 17:00 h.

- LUNS 23 DE DECEMBRO

Ludoteca de Nadal.

Nas carpas do Monterreal de 16:30 a 19:30 h.

- MARTES 24 DE DECEMBRO

Ludoteca de Nadal

Nas carpas do Monterreal de 10:00 a 13:00 h.

- XOVES 26 DE DECEMBRO

Tarde de Xogos de mesa con Brazolinda.

Nas Carpas do Monterreal ás 16:30 h.

Barferencia «Juan Bautista Alonso Español (1801-1879) por Joaquín Manuel Villa Álvarez.

No bar A Bodega ás 20:30 h.

- VENRES 27 DECEMBRO

Espectáculo Infantil de Clown “Cartoons”

No Centro Cultural ás 17:30 h.

- SÁBADO 28 DECEMBRO

Concerto de Indie Rock co grupo Inertes.  

Na Praza do Reló ás 20:00 h.

- LUNS 30 DECEMBRO

Ludoteca de Nadal

Nas carpas do Monterreal de 16:30 a 19:30 h.

- MARTES 31 DE DECEMBRO

Ludoteca de Nadal

Nas carpas do Monterreal de 10:00 a 13:00 h.

XANEIRO

- XOVES 2 XANEIRO

Obradoiros de Nadal

Nas Carpas do Monterreal ás 16:30 h.

Chocolatada ACIGU

No Monterreal a partir das 16:30 h.

- VENRES 3 XANEIRO

Concerto Infantil “Nadal con Paio e Aurelio” - Oviravai.

Na praza do reló  ás 17:30 h.

- SÁBADO 4 XANEIRO

Concerto de Electro Pop co grupo Presumido  

Na Praza do Reló ás 20:00 h.

- DOMINGO 5 XANEIRO

Cabalgata dos Reis Magos e Recepción Real. Acompañados polas Asociacións Guardesas.

Dende a Alameda da Guarda ata a Casa dos Alonso ás 18:00 h.

EXPOSICIÓNS

- Exposición dereitos Humanos e Diversidade afectivo sexual e de xénero.

Na Casa dos Alonso do 4 ó 18 de decembro. De 10 a 14 e de 17 a 20 horas.

- Exposición O Teu Xacobeo – Cruz Vermella Baixo Miño

Nas carpas do Monterreal o 20 e 27 de decembro e 3 de xaneiro de 10:00 a 13:00 h.

- Exposición de Pintura “A neta do Camilo”

Na Casa dos Alonso do 21 de decembro ó 4 de  xaneiro. En horario de apertura do Concello.

E ADEMAIS…

PISTA DE XEO

Do 5 de Decembro ó 19 de Xaneiro

Na Alameda

MERCADO DE NADAL

Do 13 de Decembro ó 6 de Xaneiro

Na Praza de Avelino Vicente (As de Copas)