A GUARDA

Bebeteca de Nadal 

· Este venres día 14 de decembro, ás 18:00 horas, na Biblioteca Pública Municipal 

  

Infogauda / A Guarda

 A Biblioteca Pública Municipal de A Guarda organiza dúas actividades neste Nadal, que consistirán nunha edición da Bebeteca de Nadal este venres día 14 de decembro e Contos Contados de Nadal o sábado 22 de decembro.  

 O venres 14 de decembro ás 18:00 horas a Biblioteca Pública Municipal acolle unha nova sesión da Bebeteca, especialmente adicada ao Nadal e pensada para nenas e nenos de 3 a 6 anos. Rebeca González, mestra de Educación Infantil do CEIP As Solanas e coordinadora de Bibliosolanas contará o conto "Cando Martiño tivo ganas de mexar na Noite de Reis".   

 Ao remate, cada nena ou neno que asista levará un conto en préstamo da Bebeteca á súa casa durante o Nadal. As nenas e nenos que asistan e aínda que non teñan a tarxeta de préstamo da Biblioteca, poden levar unha folla de inscrición para obtela.  

 A Bebeteca é unha sección de libriños especialmente pensados para que as familias podan iniciar na lectura aos bebés. Libros con imaxes, texturas, formas, sons e títeres de dedo. Idade: 0-3 anos e 3-6 anos.  

CONTOS CONTADOS DE NADAL

 As actividades programadas neste Nadal na Biblioteca Pública Municipal de A Guarda continúarán o vindeiro 22 de decembro con Contos Contados de Nadal, “Canto contan os Avós”, dirixido a nenas, nenos e familias. Contaranse contos dos avós e a continuación realizarase un obradoiro que consistirá en facer unha figuriña para a árbore de Nadal que adornará a Biblioteca e outra para levar ás súas casas.