O BNG esixe unha reunión urxente de portavoces tralos despidos en S Xerome
O BNG solicita o apoio aos traballadores despedidos e aclaracións ao Alcalde da Guarda de como está a relación entre o Concello e S Xerome
Ángel Luis Baz Vicente, portavoz municipal do BNG no Concello de A Guarda
Infogauda / A Guarda
O Bloque Nacionalista Galego ven de comunicar que presentou “un escrito dirixido ao Alcalde da Guarda solicitando unha reunión de voceiros para que aclare a situación xerada tralo despido de dous traballadores do Centro Especial de Emprego de San Xerome”.
O BNG lembra que “estes dous traballadores foron subrogados pola empresa no momento de aceptar a concesión do Concello da Guarda”.
Dende o BNG considérase que “hai unha responsabilidade por parte do Alcalde e do grupo de goberno para co futuro dos traballadores, aspecto que debe aclarar o goberno do PSOE”.
“Non se pode esconder tras unha acción social, un xeito de dirixir empresa propio doutros séculos”, comentou Ángel Luis Baz Vicente, portavoz municipal do BNG.
“O BNG solicita tamén - dixo Ángel Luis Baz - o apoio aos traballadores despedidos dado que estaban a cumprir co seu traballo en todo momento”.
Ningún comentario:
Publicar un comentario