A GUARDA

O Concello de A Guarda abrirá o prazo pras inscricións para o Desfile de Entroido 2025 

•  Do 18 ao 25 de febreiro

Infogauda / A Guarda  

 A Guarda celebrará o seu Desfile de Entroido 2025, o venres día 7 de marzo, ás 20:30 horas. O desfile dará comezo na rúa Porto Rico (Esquina Famosa) e seguirá pola rúa Galicia ata chegar á rúa Rosalía de Castro (Alameda). En caso de chuvia, proporase unha nova data para a celebración do desfile.   

 Aquelas persoas, grupos, comparsas ou carrozas que queiran participar, poden apuntarse a través do Rexistro ou da sede electrónica, cumprindo cos requisitos que se establecen nas bases publicadas na web e na sede electrónica. O prazo de inscrición estará aberto do 18 ao 25 de febreiro.   

 Desde o Concello de A Guarda propoñen: "Ide preparando os vosos mellores disfraces, porque a semana que vén coñeceremos toda a programación para o Entroido!"!