A GUARDA

A película “Rondallas” logra unha ovación de catro minutos na súa premiere   

• A estrea en cines será o día 1 de xaneiro de 2026  

A preestrea de “Rondallas”, a nova película de Daniel Sánchez Arévalo,acudiron o alcalde e concelleiros de A Guarda

Foto: C.A.G.

Infogauda / A Guarda   

 Na tarde de onte, a praza Francisco Fernández del Riego, de Vigo, acolleu a presentación da película “Rondallas”, gravada en gran parte na Guarda.   

 A esta preestrea da nova película de Daniel Sánchez Arévalo acudiron o alcalde e concelleiros de A Guarda, atopándose con numerosos persoeiros do mundo da cultura e das rondallas.   

 O evento comezou cunha actuación especial de 93 rondalleiros na planta baixa do Centro Comercial Praza Elíptica, onde interpretaron temas incluídos na banda sonora do filme como “O Pisirilo”, “Quero josar” e “Wake me up” de Avicii.  

 No espazo para fotos, A Guarda non só estivo presente no cartel, xa que a actriz María Vázquez levou un traxe que incluía redes como homenaxe ás atadeiras guardesas.  

 “Agora, só faltan varias semanas ata que todos poidamos desfrutar desta película, xa que se estrea o día 1 de xaneiro en cines; mais os antecedentes non poden ser mellores porque ao final da proxección a película recibiu unha ovación de catro minutos”, afirman desde o Concello de A Guarda.