GONDOMAR

IEM: Presentación da película documental "Vidas irrenovables" 

•  Xoves, 13 de novembro, ás 20:00 horas, na Aula de Cultura Ponte de Rosas

 IEM / Gondomar

 O vindeiro xoves, 13 de novembro, ás 20:00 horas, na Aula de Cultura Ponte de Rosas (Avda. da Feira, 10 - baixo) de Gondomar, acolleremos no IEM a presentación da película documental “Vidas irrenovables”, dirixida por Francisco J. Vaquero.

https://youtu.be/y1I9B24ES08?si=yOZJUPmVlAnEuURO

“Vidas irrenovables” nos Premios Goya 2025:

https://www.premiosgoya.com/pelicula/vidas-irrenovables/

 Neste evento contaremos coa presenza do director que estará acompañado por Bruno Centelles voceiro do IEM e da Plataforma SOS Groba.

 A substitución das fontes de enerxía baseadas en combustibles fósiles por fontes de enerxía renovables está a esnaquizar os ecosistemas, as economías e as sociedades do mundo rural en España. A falta de planificación e a nefasta xestión das administracións públicas está a poñer nun grave perigo a supervivencia do mundo rural.

 Algo que viña para salvar o medio ambiente e rexurdir a vida dos pobos, paradoxalmente estase convertendo en todo o contrario.

 Ante esta situación alarmante, moitas persoas resístense a ver morrer os seus territorios e están a dar as súas vidas para poder frear esta situación.