A GUARDA

A Guarda vivirá esta fin de semana un episodio de altas temperaturas  

• E acadará a alerta laranxa este domingo 3 de agosto  

Infogauda / A Guarda

 O Concello de A Guarda fixo público na tarde deste venres día 1 de agosto, o seguinte:

AVISO

 Desde o 112 alertan dun episodio de altas temperaturas que vivirá a zona do Baixo Miño. Por iso, durante esta fin de semana A Guarda atoparase en alerta por altas temperaturas.  

 Durante as xornadas de hoxe e do sábado a alerta será de carácter amarelo por temperaturas que poden acadar os 35ºC.  

 O domingo vivirase un día de especial risco con alerta laranxa por temperaturas que poden acadar os 37ºC.  

 Ante estas xornadas de altas temperaturas pregamos á cidadanía que actúe con precaución, evite actividades de alto impacto e as horas centrais do día e se manteña hidratado.  

 Ademais mantémonos en risco moi alto de incendios, polo que recordamos que aqueles propietarios de parcelas as manteñan limpas para evitar a proliferación de incendios.