A GUARDA

Máis de 20 persoas, unha tarde de traballo e moitas ganas de coidar o monte

•  Limparon 4.500m2 no Souto da Bouza, no Monte Santa Trega

Grupo de persoas comuneiras, amigas e familiares que acudiron ao monte Santa Trega para colaborar altruistamente na súa limpeza

Foto: C.MM.VV.M.C de A Guarda

Redacción / A Guarda  

 A xunta reitora da Comunidade de Montes Veciñais ebn Man Común de A Guarda fixo público que o sábado, día 14 de xuño, "grazas ao traballo voluntario de comuneiras, amigas e familiares, limpamos 4.500 m² no Souto da Bouza, no Monte Santa Trega, retirando acacias e abrindo camiño para facilitar a recolleita de castañas no vindeiro outono, e poder desfrutar dunha das parcelas máis fermosas que ten esta comunidade de montes. 

 Grazas a todas as mans que fixeron isto posible. O monte coidámolo e desfrutámolo entre todas".