A GUARDA

O Museo Arqueolóxico do Monte Santa Trega reabre súas portas ao público  

• Desde este sábado, día 15 de febreiro 

Vista do poboado Calvo, no Monte Santa Trega, un enclave de inigualables panorámicas

Foto: Infogauda

Infogauda / A Guarda 

 A partir do 15 de febreiro volve a abrir o Museo Arqueolóxico do Monte Santa Trega  (MASAT), que permitirá aos visitantes comprender a importancia deste xacemento arqueolóxico grazas a exposición dunha selección de pezas atopadas nas diferentes escavacións.   

 A longo do ano o horario do MASAT modificarase para atender aos visitantes de martes a domingo. Durante o 2024, unhas 40.000 persoas visitaron o Museo.  

 A novidade deste ano é o lanzamento do proxecto de visitas virtuais que permitirán coñecer mellor o Monte Santa Trega e outros espazos de interese na vila de A Guarda. Esta iniciativa financiouse cunha subvención da Axencia de Turismo de Galicia.  

 Aquelas persoas que visiten o Monte Santa Trega poden empregar esta ferramenta que permite realizar unha visita 360º do monte e ampliar a información coas audioguías. Ademais tamén está dispoñible a recreación virtual dunha unidade familiar do castro, que transportará ao visitante a finais do século I a. C.   

 Esta nova ferramenta dixital está dispoñible na web turismoaguarda.es ou directamente no QR de ligazón do percorrido virtual Castro Santa Trega.