A GUARDA

Fabiola García mantivo esta tarde en San Caetano unha reunión con Antonio Lomba 

A Conselleira de Política Social trasládalle ao alcalde da Guarda que a Xunta construirá unha nova escola infantil neste concello  

O Goberno galego financiará este equipamento con 410.000 euros

A futura escola infantil integrarase na rede pública autonómica Galiña Azul

 

A conselleira de Política Social, Fabiola García Martínez na reunión de hoxe pola tarde en San Caeteno, co alcalde de A Guarda, Antonio Lomba Baz

Foto: X.G.

Infogauda / A Guarda      

 A conselleira de Política Social, Fabiola García Martínez, trasladoulle esta tarde ao alcalde da Guarda, Antonio Lomba Baz, que a Xunta de Galicia construirá unha nova escola infantil neste concello, dotada con tres unidades e 41 prazas. Fíxoo durante unha reunión que mantivo con este rexedor en San Caetano.  

 No transcurso do encontro, Fabiola García explicoulle a Antonio Lomba que a Administración autonómica achegará 410.000 euros para a construción da futura escola, así como o necesario para o equipamento. O Concello sufragará os fondos restantes ata os 690.000 euros que custa erixir a escola infantil, que se integrará na rede pública autonómica Galiña Azul. 

 Para fixar o cofinanciamento da construción será necesario formalizar un convenio entre o Consorcio Galego de Servizos de Igualdade e Benestar e o ente local.