VAL MIÑOR

• O PSOE de Nigrán publica a documentación completa do PXOM na súa web.
• Un centenar de veciños de Gondomar iniciaron o Programa "Envellecemento + Activo".
• 21-O: O Partido Popular desenvolverá o seu mitin central no Val Miñor o vindeiro xoves en Gondomar.
• 21-O: Alternativa Galega de Esquerda estrea a campaña no Val Miñor cun acto na praza de Abastos de Baiona.
• 21-O: O BNG prepara o seu mitin central en Gondomar e unha charla sobre a situación do ensino.
• O Partido Popular inicia a campaña no Val Miñor con dúas visitas de Louzán e Hernández a Sabarís e Panxón.
• Arrinca a campaña electoral do BNG en Gondomar con tres mitins na fin de semana.
• Galicia decide o seu futuro: comezou a campaña do 21-O no Val Miñor.

O PSOE de Nigrán publica a documentación completa do PXOM na súa web. Posted: 09 Oct 2012 04:08 PM PDT -O documento atópase dispoñible en na web socialista e no seu perfil na Rede Facebook. -Juan González denuncia un "erro non intencionado" no PXOM que permite consolidar unha nave almacén como "Núcleo Rural Tradicional". -En 24 horas vence o prazo outorgado polo alcalde Valverde para que o Consello Sectorial e os partidos da oposición presenten "suxestións" á documentación do PXOM.

Un centenar de veciños de Gondomar iniciaron o Programa "Envellecemento + Activo". Posted: 09 Oct 2012 04:37 PM PDT Preto dun centenar de veciños toman parte dos cursos "Estimulación da memoria" e "Ximnasia de Mantemento", informou este martes a Concellaría de Benestar Social de Gondomar. As actividades foron inauguradas pola concelleira responsable, Patricia Durán, quen destacou o aumento da participación nestas actividades.

21-O: O Partido Popular desenvolverá o seu mitin central no Val Miñor o vindeiro xoves en Gondomar. Posted: 09 Oct 2012 03:05 PM PDT O Gabinete de Prensa do PP de Pontevedra comunicou nesta xornada que a vila de Gondomar acollerá este xoves, 11 de outubro, o mitin central que os populares organizan na comarca do Val Miñor. O acto, que terá lugar ás 20,30 horas no Auditorio Lois Tobío, contará coa participación do secretario xeral do PPdeG e candidato ao Parlamento de Galicia pola provincia de Pontevedra, Alfonso Rueda, os tamén candidatos Agustín Hernández e Patricia Durán (Gondomar), e o presidente provincial do PP en Pontevedra, Rafael Louzán.

21-O: Alternativa Galega de Esquerda estrea a campaña no Val Miñor cun acto na praza de Abastos de Baiona. Posted: 08 Oct 2012 03:22 PM PDT A coalición electoral formada pola agrupación nacionalista ANOVA e Esquerda Unida, estrea a campaña electoral na bisbarra cun acto este  mércores 10 de agosto na Praza de Abastos de Baiona. O acto político dará comezo ás 20:30 horas no "Multiusos Angel Bedriñana" no citado edificio. Durante o mitin presentaranse as propostas de Alternativa Galega de Esquerda (AGE), por parte dos candidatos pola provincia, Xosé Antonio Araúxo (ANOVA- Gondomar), José Cuevas (EU- Nigrán), e pechará o acto o historiador e arqueólogo nacionalista Xosé Lois Vilar.