DEPORTES

FÚTBOL 

1ª Autonómica Grupo 6

O SPORTING GUARDÉS MEDIRASE CO RÁPIDO DE BOUZAS

• Este domingo, 29 de marzo, ás 17:00 horas, no Estadio Municipal A Sangriña

Ricardo Rodríguez Vicente / A Guarda

 Logo do agre sabor do resultado final (2-0) no encontro da xornada precedente, na Gándara (Gondomar), feudo do C.C.D. Chaín; o Sporting Guardés prepárase para o próximo encontro. Será este domingo, 29 de marzo, ás 17:00 horas, no Estadio Municipal A Sangriña, fronte o Rápido de Bouzas.

 Malia o revés sufrido en terras miñoráns, o equipo que dirixe Antonio Rodríguez (Toñete), mantense a día de hoxe no chanzo 4º da táboa clasificatoria, con 54 puntos.

 O conxunto visitante está situado no posto 7º da táboa, con 41 puntos.

 Eses datos permiten augurar un encontro ameno para as respectivas afeccións, nunha tarde que no tocante a climatoloxía non será tan solleira como a deste sábado, máis en todo caso, permitirá gozar dun partido de fútbol da máxima rivalidade e poida que con momentos de brillantez deportiva.

 Os obxectivos de cada equipo son gañar, obviamente, e dese xeito manterse na posición actual, no caso do Sporting Guardés - que a falla de 7 xornadas para que remate á liga, non ten perigo para manterse na categoría - e polo que atangue ao Rápido de Bouzas, aspirararán subir un chanzo.

 Non hai dúbida que ambos os dous equipos saben ben cales son as súas tarefas: gañar.

 Vai depender, en todo caso, do traballo que cada quen queira - e poida - levar a bó termo.

 E ainda que sexa un factor non medible, unha vez máis, o apoio dos seareiros será fundamental para manter vivo o encontro, e cando o árbitro pite o remate do mesmo, que os puntos en xogo sexan para quen os traballou ao longo do tempo regulamentario.

Axenda dos diferentes equipos do Sporting Guardés para esta fin de semana