A GUARDA

Dous torneos de tenis e pádel converterán á Guarda da capital galega da raqueta esta semana  

• O Club do Tenis Codesal organiza a 33ª edición do open de tenis e estréase cun open de pádel  

O alcalde de A Guarda con membros da organIzación, na presentación do evento deportivo

Foto: C.A.G.

Infogauda / A Guarda 

 A Guarda continúa con máis actividades deportivas para este mes de agosto. Desta vez, o Club de Tenis Codesal, coa colaboración do Concello de A Guarda, organiza o XXXIII Open de Tenis Codesal e o I Open de Pádel.  

 Durante toda a semana que vén desenvolverase o open de tenis, tanto na categoría masculina como feminina, cun total de 1.500€ de premios en cada unha. Trátase dun torneo xa consolidado pois este ano chega á súa 33ª edición.  

 No caso do pádel, trátase da primeira edición que se vai celebrar. Haberá categoría masculina, feminina e mixta, cun máximo de catorce parellas en cada unha. 

 Aínda vos podedes apuntar a través de ibertenis.com ou no 652 421 675. 

 O Open comezará o xoves 14 e rematará o domingo 17, cando os gañadores recibirán material deportivo.  

 “O Club de Tenis Codesal leva moitos anos espallando o deporte entre a xente da Guarda, nenos e adultos”, resalta o alcalde Roberto José Álvarez Carrero. “Ademais estou seguro - engadiu - de que este open de pádel chegará a ter tantas edicións como o de tenis”.