A GUARDA

O Festival de verán de Dansá vai traer ata 10 escolas invitadas de España e Portugal  

• O festival celebrarase este mércores, 30 de xullo, ás 20:00h, no auditorio de San Bieito 

 

Daniela Miniño e Iria Álvarez

  

Infogauda / A Guarda  

 Este mércores, 30 de xullo, a partir das 20:00h, o auditorio de San Bieito acollerá  o Festival de verán da escola de baile Dansá.  

 O espectáculo está garantido co talento das integrantes da devandita escola de baile, mais tamén contarán con ata dez escolas invitadas de toda España e Portugal. Ademais, coma sempre, haberá sorteos para o público.  

 Será a primeira oportunidade para ver ás bailarinas que acaban de conseguir este mes novos éxitos no Global Dance Open 2025, celebrado en Birmingham.  

 Daniela Miniño logrou o primeiro posto na categoría Intermediate Solo Acro, proclamándose como campioa do mundo sendo unha das participantes máis novas.  

 A súa compañeira, Iria Álvarez foi premiada cunha bolsa de formación na prestixiosa escola Dynamite Studios, en Australia.  

 Parabéns a Iria e Daniela! 

 Que ganas de ver todo este talento mañá no auditorio de San Bieito!