A GUARDA

Ángel Martínez, noso autor guardés, vai presentar o seu segundo libro “Lección aprendida, recluta muerto”

• O próximo mércores 18 de xuño, ás 20:30h, no salón de plenos da Casa dos Alonso   

O alcalde de A Guarda, Roberto José Álvarez Carrero, con Ángel Martínez Fernández, autor do libro que vai ser presentado, e Celso Rodríguez Fariñas, concelleiro de Cultura e Deportes

Foto: C.A.G.

Infogauda / A Guarda

  “Lección aprendida, recluta muerto”. Ese é o título do segundo libro que publica o autor guardés Ángel Martínez Fernández, de apenas 20 anos.  

 A presentación deste novo libro terá lugar o próximo mércores, 18 de xuño, ás 20:30h., no salón de plenos da Casa dos Alonso. 

 

Portada do libro de Ángel Martínez Fernández

 Ademais do autor de “Lección aprendida, recluta muerto”, o acto contará coa participación do historiador Joaquín Miguel Villa Álvarez, e do alcalde de A Guarda, Roberto José Álvarez Carrero. 

 Ángel Martínez refire que sempre se interesou pola guerra do Sáhara e do Sidi Ifni, pois “desde moi pequeno o meu avó sempre me falaba disto. Eu non entendía nada, pero conforme fun crecendo, fun descubrindo o transfondo que había tras a historia”, comenta o autor.  

 “É un orgullo para min, como antigo profesor del, ver como ese interese levouno a traballar moi duro e conseguir materializalo neste libro”, confesa o alcalde.   

 Na presentación poderemos coñecer máis sobre o libro “Lección aprendida, recluta muerto”, que trata, entre outros temas, sobre a vida, o misterio e as intrigas da guerra do Sidi Ifni, xa que segundo Ángel Martínez “esa xente ten que ser recordada polo que fixo, sufriu e non só ter unha mera nota de páxina nos libros de Historia”.