A Guarda vai celebrar en xullo a segunda edición de A Rosegha, organizada pola Asociación Piueiro coa colaboración da Deputación de Pontevedra
• Durante dous días, o porto da Guarda encherase de vida coas maquetas de barcos tradicionais, as navegacións para todas as idades, os obradoiros, as exposicións e as saídas en O Piueiro
Mar Bermúdez / A Guarda
A vila mariñeira da Guarda volverá vivir unha fin de semana moi especial os días 12 e 13 de xullo coa celebración da segunda edición de A Rosegha, unha iniciativa da Asociación Piueiro que conta co apoio da Deputación de Pontevedra.
Durante dous días, o porto da Guarda encherase de vida coas maquetas de barcos tradicionais, as navegacións para todas as idades, os obradoiros, as exposicións e as saídas en O Piueiro, a embarcación da asociación organizadora. Será unha ocasión única para disfrutar, aprender e compartir o patrimonio mariñeiro dun xeito participativo e festivo.
Como xa aconteceu na primeira edición, todo o pobo da Guarda vólcase con esta proposta, tanto nas tarefas organizativas como na acollida das persoas que se achegan a vivir a experiencia. A Rosegha é, cada vez máis, unha cita de referencia para as persoas que aman o mar e a cultura que o rodea.
A participación é aberta, aínda que para algunhas actividades —como as navegacións ou o aloxamento— será preciso inscribirse previamente. Toda a información está dispoñible na páxina web da Asociación Piueiro.
Ningún comentario:
Publicar un comentario