A GUARDA

A Gala do Deporte recoñecerá aos clubs e aos deportistas de A Guarda   

• O próximo venres 21 de febreiro, ás 20:00 horas, no Centro Cultural

 

Infogauda / A Guarda  

 A Guarda celebrará o próximo venres 21 de febreiro, ás 20:00 horas, no Centro Cultural, a Gala do Deporte 2025. Un acto que quere recoñecer, non só o éxito do deporte guardés, senón tamén os clubs que promoven o deporte na Guarda, sobre todo, nas xeracións máis novas.  

 Este acto porá en valor a importancia do deporte na vida guardesa, así como a súa diversidade: tenis, judo, petanca, patinaxe, remo,...Disciplinas que practican diferentes xeracións desde os máis mozos ata os máis maiores e veteranos.  

 Ademais, tamén haberá recoñecemento para aqueles deportistas guardeses que continúan levando o nome de A Guarda nos seus logros por toda Galicia, España e incluso Europa. Deportistas que destacan pola súa xuventude, como o patinador Jorge García, ou a promesa do atletismo Álex Sierpes; ou pola súa veteranía e éxito ao longo dos anos, como os atletas Julia Vaquero e José Carlos Ferreira.  

 En total, case 40 deportistas individuais e clubs serán recoñecidos nesta Gala do Deporte 2025.