A GUARDA

Os sábados de setembro ofreceranse visitas guiadas gratuítas ao Castro do Monte Santa Trega  

  

Infogauda / A Guarda 

 Co comezo de setembro redúcese o número de visitantes ao Monte Santa Trega pero seguiranse ofrecendo as visitas guiadas gratuítas ao seu poboado castrexo, como en anos anteriores.  

 Dese xeito, os visitantes poderán coñecer mellor o valor arqueolóxico coas visitas dos sábados en dúas quendas: ás 12:00 e ás 17:00, excepto o sábado 14 que só haberá a visita da tarde.  

 A duración das visitas gratuítas é de 45 minutos e só se precisa estar á hora no punto de encontro, no aparcadoiro situado diante da casa forestal, xa que non se necesita reserva previa. Mais para grupo de máis de 12 persoas pídese consultar ao Museo Arqueolóxico do Monte Santa Trega (MASAT) no teléfono 690 01 70 38.  

 Aínda que as visitas son de balde, a tarifa de acceso de vehículos non está incluída.