DEPORTES

BALONMAN FEMININO

‘Esta vai por nós’: a campaña do Mecalia Atlético Guardés para a Copa da Raíña 2024 

• O anuncio busca, en pouco máis dun minuto, transmitir as ganas do conxunto miñoto de afrontar esta cita en Donostia 

• No vídeo participa tamén o equipo cadete, que xogará a Mini Copa 

• “Esta vai por nós”, o slogan co que o club dedica o vídeo a todas as persoas que senten as cores do equipo 

Foto: M.A.G.

Redacción Deportes / A Guarda

 Comeza a conta atrás para a fase final da Copa da Raíña 2024. Do 10 ao 12 de maio, os amantes do balonmán reuniranse no Donostia Area para gozar do coñecido como “torneo do k.ou.”. Con motivo desta cita, o Mecalia Atlético Guardés lanza o seu tradicional anuncio co que busca transmitir a ilusión, a emoción e o sentimento que xera a Copa.  

 Todo iso, nun vídeo de pouco máis dun minuto de duración, no que as xogadoras do primeiro equipo e as do conxunto cadete, que tamén viaxa a Guipúscoa para disputar a Mini Copa, son as protagonistas.  

 Ambos os dous cadros persoais únense nunha peza audiovisual que finaliza co slogan “Esta vai por nós”. Seguindo a liña da campaña de abonados do club, o lema volve ser unha chiscadela ás tradicionais Festas do Monte da localidade, máis concretamente, ao xuramento que os compoñentes das bandas mariñeiras fan na devandita celebración, co que se comprometen a volver coas súas agrupacións o próximo ano e hónrase aos seres queridos. “Esta vai por nós”: catro palabras coas que o club dedica o vídeo a todas as persoas que senten as cores do equipo. 

 O venres 10 de maio comeza o torneo. Ás 20:30 horas, o Mecalia Atlético Guardés medirase, en cuartos de final, ao anfitrión e vixente campión da competición, o Super Amara Bera Bera.