A GUARDA

IMPLANTACIÓN DAS VÍDEO-ACTAS
 

A CORPORACIÓN MUNICIPAL APROBOU POR UNANIMIDADE A MOCIÓN PRESENTADA POLO CONCELLEIRO CELSO RODRÍGUEZ FARIÑAS, DE CONVERXENCIA GALEGA

Celso R. Fariñas

Portavoz de CONVERXENCIA GALEGA 

Foto: Infogauda

Infogauda / A Guarda

 Na sesión plenaria ordinaria celebrada o pasado día 27 de setembro de 2019, polo Pleno da Corporación Municipal do Concello de A Guarda, foi aprobada por unanimidade á moción presentada polo concelleiro de Converxencia Galega, Celso Rodríguez Fariñas propondo á implantación das vídeo actas.

 

MOCIÓN: IMPLANTACIÓN DAS VÍDEO-ACTAS 
  

 A video-acta é un sistema de xestión das actas municipais que permite a elaboración das actas dos plenos municipais rápidamente. O sistema combina a gravación en vídeo dos plenos municipais co documento electrónico que contén a orde do día do pleno, todo asinado polo Secretario para dar fe legal do acto. 

 Unha vez que se dispón da gravación, con unha interfaz de usuario o sistema permite marcar os momentos da gravación onde comeza cada punto da orde do día do Pleno, o que permite a xeración automática da Vídeo Acta e a integración entre o vídeo do Pleno e o documento acta sucinta do mesmo. A continuación, o Secretario do Concello, mediante o seu certificado dixital ou o seu DNI electrónico, asina a Vídeo Acta (vídeo e documento electrónico coa orde do día do Pleno). 

 Este conxunto de elementos se almacenan nun xestor documental e se publica no portal municipal para a súa consulta pola cidadanía, empresas, medios de comunicación, membros do Pleno, etc. Ademais, e moi importante, este sistema debería permitir a retransmisión en directo do Pleno municipal. 

 O documento electrónico do Pleno (Acta Sucinta) non é senón un acta tradicional, en formato electrónico, onde o contido do documento redúcese aos diferentes puntos da Orde do Día e as decisión e/o acordos que se tomaran, xunto coas referencias necesarias ao vídeo do Pleno. As Actas Sucintas non recollen a discusión política, senón que estas se referencian ao punto apropiado do vídeo que contén a gravación do Pleno. Desta forma, a elaboración da Acta por parte da Secretaría redúcese a transcribir as decisión/acordos tomados en cada punto, e á sinatura electrónicamente do vídeo e da Acta sucinta, facendo uso do certificado dixital ou do DNI electrónico. 

 Debemos ter en conta, que todos saímos beneficiados, porque, os cidadans/as, asociacións veciñais, comunidades de montes, colectivos e empresas: acceso aos contidos das decisións municipais, ao debate político, posición dos diferentes grupos, argumentacións…. 

 Grupos políticos do Pleno: facilitan o seu labor e comunicación coa cidadanía, deixando constancia do seu traballo e papel no Pleno municipal.  

 Secretarios: optimización do esfuerzo de elaboración de actas. 

 Departamentos de prensa: permite organizar os contidos audiovisuais dos plenos e facilitar o acceso aos mesmos á prensa. 

 Profundización na transparencia información á cidadanía.

 En vista do anterior dende o grupo de CONVERXENCIA GALEGA vimos a propoñerlle o Pleno Municipal do Concello de A Guarda, a tomar da máneira máis rápida e segura os seguintes ACORDOS: 

1º.- Que se leve a cabo, co asesoramento de Secretaría e Departamento Técnico de Informática, o estudio par a implantación das Vídeo Actas.

2º.- Que se aproveite a implantación deste sistema para para a retransmisión dos Plenos en tempo real ou streaming.  

A Guarda, a 13 de setembro do 2019 
  

Celso R. Fariñas

Portavoz de CONVERXENCIA GALEGA