O ROSAL

POSTO INFORMATIVO SOBRE COMPOSTAXE  

O próximo mércores 2 de outubro, de 10:00 a 13:00 horas, na Praza do Calvario

Infogauda / O Rosal

 O próximo mércores 2 de outubro, de 10:00 a 13:00 horas, na Praza do Calvario, unha equipa de mestras e mestres composteiros do Plan Revitaliza de compostaxe da Deputación de Pontevedra visitarán o Rosal.  

 Coa compañía do propio mestre composteiro do concello, instalarán unha carpa informativa na que, ademais de ofrecer explicacións sobre o compost, farán xogos, preguntas e repartirán plantas e compost entre as veciñas e veciños que estean máis ao día sobre a compostaxe.  

 Desde o Concello do Rosal animan a toda a veciñanza a achegarse e compartir experiencias.