TOMIÑO

NOVO ÉXITO DO "VENRES DE FOLIADA"

No evento participaron comparsas procedentes de Bueu, Marín, Redondela, Salceda de Caselas, Tui, Vigo,..., e por suposto, de Tomiño

Carroza dunha das comparsas que participaron no "Venres de Foliada", de Tomiño

Foto: Infogauda

Infogauda / Tomiño

 O fío das 21:45 h. do venres día 9 de febreiro, deu comezo unha nova edición do "Venres de Foliada", organizada polo Concello de Tomiño.

 No evento participaron comparsas procedentes de Bueu, Marín, Redondela, Salceda de Caselas, Tui, Vigo,..., e por suposto, de Tomiño, que desafiando ás baixas temperaturas (5º), amosaron moitísima beleza, creatividade e inxenio, sendo correspondidos polos eloxios dos milleiros de espectadores de Tomiño e de toda á bisbarra do Baixo Miño, que ateigaron prácticamente todo o percorrido do desfile, sobor de todo desde a intersección da baixada a Mosteiro coa rúa Gondomar e ata a Praza do Seixo. 

 Foi un espectáculo no que participaron picariños e maiores e foi presenciado tamén por moitísimas persoas, obviamente de tódalas edades.

 A climatoloxía ainda que propia do inverno, no que respecta á temperatura, foi á gran aliada da noite, xa que o longo do desfile - que tivo unha duración duns 145 minutos -non houbo ningunha precipitación.

GALERÍA DE IMAXES DO VENRES DE FOLIADA, 2018