TUI

O BNG CONDENA A MOCIÓN DE CENSURA DO PARTIDO POPULAR AO GOBERNO DE TUI

Carme Núñez Méndez, portavoz municipal do BNG no Concello de Tui e o concelleiro José Martínez Tato

Foto: BNG Tui

Infogauda / Tui

 “O BNG condena a moción de censura de Tui por ser esta unha manobra antidemocrática e cre que o Partido Popular non aceita perder as eleccións”. Así o ven de afirmar a portavoz municipal do BNG, Carme Núñez  Méndez quen condenou hoxe “a moción de censura ao governo de Tui por constituír unha manobra antidemocrática” 

 Carme Núñez considerou que “o Partido Popular non aceita de bo grado a vontade do pobo de Tui expresada nas urnas, recurrindo a estes atallos para chegar ao poder nun momento chave, xusto cando, o governo actual ten en marcha toda unha serie de proxectos e avances para a cidade tudense (peonalización do centro histórico, PECH, compostaxe, ordenanza de limpeza, etc.)”.  

 Así mesmo lembrou “estas mesmas manobras caciquís, como o caso do concello veciño de Oia, onde tamén se violou a vontade popular e se fixo para por a institución non ao servizo do pobo, senón de intereses partidistas”, recalcou a portavoz municipal deixando ver claramente que “o Partido Popular actúa en función dunha estratexia perfectamente orquestrada por Alfonso Rueda”.