A GUARDA

Recibiron axudas “Avelaíña” para un taller de habilidades; “San Xerome Emiliani” para o proxecto “Dar Vida á Vida”; Érguete para un plan de incorporación social; e “Samaritanas” para gastos de funcionamento

O DEPUTADO PABLO BAQUERO ENTREGOU COLABORACIÓNS POR IMPORTE DE 24.828 € A ENTIDADES SOCIAIS DO BAIXO MIÑO E DO VAL MIÑOR

O deputado provincial, Pablo Baquero, fixo entrega de cinco colaboracións económicas da Deputación de Pontevedra a colectivos que prestan servizos de asistencia social e benéfica. As colaboracións entregadas suman un total de 24.828 euros.

Concretamente, a Asociación axuda ó enfermo mental Avelaiña recibíu unha subvención de 3.400 euros que Terán por obxecto o financiamento dun taller de habilidades sociais e integración das persoas con enfermidade mental crónica.

A misión da Asociación Avelaíña consiste en reforzar a integración das persoas con enfermidade mental nas bisbarras do Baixo Miño, promovendo a mellora da calidade de vida e a da súa familia. Compre salientar dentro dos seus obxectivos pretenden informar, educar e sensibilizar sobre a enfermidade mental; ofrecer apoio e solidariedade entre as familias afectadas; facilitar a reintegración social e fortalecer e impulsar a formación profesional para as persoas con enfermidade mental

Pola súa banda a Asociación San xerome Emiliani recibíu  6.000 euros destinados ó proxecto “Dar vida á vida”. Compre salientar que esta entidade con máis de 30 anos de traxectoria desenvolve unha importante labor encamiñada á normalización e integración das persoas con minusvalía psíquica.

O deputado provincial, Pablo Baquero, tamén fixo entrega de 6.000 euros á Asociación Érguete que foron destinados a un programa de Incorporación Social e Laboral. Érguete desenvolve o seu labor no ámbito dos problemas derivados do uso e consumo de substancias tóxicas, así como entre os colectivos con escaseza de recursos no que se refire á integración social e laboral. A Asociación impulsa diversos programas dirixidos á orientación, formación, educación/reeducación e á prevención, e ó apoio  das familias e usuarios afectados ofrecéndolles axuda terapéutica e social.

Finalmente, a Deputación concedeulle á Fundación samaritanas de A Guarda unha colaboración por importe de 4.428 euros enmarcada dentro das axudas de urxente necesidade. Compre salientar que estas axudas que concede a Deputación por urxente necesidade son aquelas directamente relacionadas coa prestación de auxilio a familias ou colectivos con necesidades consideradas preferentes.  

Tamén lle concedeu a esta entidade unha colaboración de 5.000 euros, neste caso para sufragar os gastos de persoal e traballador social. Esta entidade desenvolve unha importante labor social, ofrecendo asistencia e acollida a persoas con risco de exclusión social, que viven en condicións desfavorables, discapacitadas, ou que proveñen de familias desestructuradas. Esta Fundación traballa na mellora da calidade de vida destas persoas, aumentando as súas habilidades sociais a través da súa implicación en obradoiros formativos que permitan a súa integración laboral.