FILATELIA

A Guarda acollerá a FILATEM2026  

•   Exposición nacional de filatelia temática, que se celebrará do 8 ao 12 de outubro de 2026, nos salóns do Concello de A Guarda

Logotipo de FILATEM 2026

Membros da xunta directiva da S.F. e N.G.

Foto: Cedida

Infogauda / A Guarda

 A Federación Española de Sociedades Filatélicas (FESOFI) en asemblea xeral do 8 de marzo, celebrada en Madrid, concedeu á Sociedade Filatélica e Numismática Guardesa (S.F. e N.G.) a organización da FILATEM2026, que se celebrará do 8 ao 12 de outubro nos salóns do Concello de A Guarda.  

 A exposición contará con 180 vitrinas e reunirá as mellores coleccións de filatelia temática de España.  En breve sairá publicado o regulamento da exposición. 

 O evento de carácter competitivo conta co patrocinio da Deputación de Pontevedra e o Concello de A Guarda, así como coa colaboración da Federación Galega de Sociedades Filatélicas (FEGASOFI), e de Correos.

 “FILATEM2026 é todo un reto para a Sociedade Filatélica e Numismática Guardesa, motivo polo cal sentimos moi orgullosos de poder celebrar unha exposición competitiva desta magnitude na Vila da Guarda”, indican desde á xunta directiva da S.F. e N.G.