Se aprobaron as tres mocións do Partido Popular que presentaron no pleno ordinario
O PARTIDO POPULAR DA GUARDA LOGRA POR FIN O COMPROMISO DE QUE A FONTE “TAN PERIGOSA” DA ALAMEDA VAIA SER MODIFICADA
• A voceira popular tamén lamenta que “a moción asumida polos Populares presentada por CCD, sobre o proxecto e a execución de obra da Rúa da Cal, non prosperase. Os veciños non están satisfeitos segundo nos manifestaron onte venres, e nos tampouco”.
• O Partido Popular fixo mais de 40 rogos e preguntas, todas directamente relacionadas ca Guarda, ao igual que as mocions.
Conchi Ortega - a dereita da imaxe - cos demáis concelleiros do Grupo Municipal do Partido Popular
Foto: PP A Guarda
Infogauda / A Guarda
A xeito de valoración da recente sesión plenaria da Corporación Municipal do Concello de A Guarda celebrada o pasado xoves día 2 de febreiro, a voceira do Partido Popular da Guarda, Conchi Ortega Martínez ven de facer público que agradece “o apoio de outros grupos da oposición para que as súas tres mocións, as presentadas polo PP, prosperasen, mocións todas sobre cuestión estritamente de A Guarda. A modificación da fonte da Alameda, a información do novo Regulamento do Lixo os veciños, xunto con dispor de espazos públicos para que colectivos podan informar os veciños e evitar imaxes de carteis nas árbores ou nas farolas, e unha terceira moción para que se sigan retirando palmeiras que morreron e podan ser perigosas”.
A voceira di “que a Fonte da Alameda, de dubidosa calidade funcional e estética, supón un potencial perigo para a xente que pasa ao seu carón e especialmente para os nenos por iso estamos satisfeitos co acordo, agora queda cumprilo polo grupo de Goberno, levamos tantos incumprimentos do Alcalde e os seu equipo que xa desconfiamos de todos.”
“Non entendemos - díxo Conchi Ortega - a posición de outros grupos, respecto o proxecto e a execución das obras da última fase de A Cal, cando dixo o concelleiro de obras que se fará cando haxa disponibilidde orzamentaria, foi a mesma desculpa que lle deu a outras moitas obras pendentes con proxecto que se atopan nos armarios do concello.
Que o proxecto é complexo, evidentemente como todos os proxectos de urbanizar rúas, iso é outra desculpa do Grupo de Goberno que non admitimos”.
A voceira popular di que “para solucionar estes problemas están os técnicos, para por escusas así está o grupo de goberno, que leva pondo este tipo de escusas mais de ano e medio para non acometer obras necesarias. Pero porque parte da oposición llo consinte, e os apoia como nos orzamentos”.
Conchi Ortega di que tamén lamenta “que a petición da Peña Celtista Baixo Miño que asumimos, non prosperase. Pero o Partido Popular non vai a facer mais declaracións por respecto a Peña, xa que as fará a Xunta Directiva da propia Peña se o considera convinte, supoñemos que na persoa do seu presidente quen defendeu a moción no pleno, de forma moi argumentada”.
Ningún comentario:
Publicar un comentario