ARRANCA NA GUARDA O CURSO “BRINCADEIRAS DE SEMPRE”
Dentro do programa da Deputación Tecendo lazos
Monitoras e participantes no curso “Brincadeiras de sempre”
Foto: C. A. G.
Infogauda / A Guarda
Este xoves día 22 de decembro deu comezo o curso “Brincadeiras de sempre”, que se imparte ata finais deste mes na Guarda a través da acción Tecendo lazos, da Deputación de Pontevedra.
Os participantes que asistiron a esta primeira xornada amosaron ilusión por dar comezo un curso no que se ensinará a construír xoguetes tradicionais cos que se xogaba noutrora, e así lograr que pequenos e maiores interactúen e creen espazos comúns. Ademais, á súa vez, os pequenos terán a oportunidade de amosar aos seus familiares os xoguetes e xogos actuais. O curso se desenvolverá ata o día 28 polas tardes de 17:00 a 19:30 horas no Sinde Vello.
Comeza así un curso que nace como parte do programa Tecendo lazos da Deputación de Pontevedra e que ten por finalidade desenvolver obradoiros interxeracionais no ámbito do lecer e do tempo libre cos que se pretende crear espazos para o encontro entre diferentes xeracións poboacionais.
Ningún comentario:
Publicar un comentario