A GUARDA

A GUARDA CELEBROU A FESTIVIDADE DO SANTÍSIMO SACRAMENTO COAS TRADICIONAIS ALFOMBRAS DE FRORES E DE SAL

Na madrugada do domingo o vento fixo das súas, dificultando á labor dos alfombristas

Tapiz floral xunto á igrexa de San Bieito

Fotos: Infogauda

Infogauda / A Guarda

 Logo de un mes de traballo de recolección e debullado dos materiais vexetais necesarios, A Guarda voltou a honrar o Santísimo coa confección de tapices de frores e de sal, tarefa na que as mulleres foron maioritariamente as que levaron a maior carga de traballo, ainda que en honor a verdade, tamén colabouraron algúns homes e nenos/as. Dese xeito, chegada a tardiña do sábado día 6 de xuño deron comezo os traballos de marcado no chán, dos deseños elexidos, que como vén sendo costume foron todos eles diferentes nos correspondentes tramos de rúas. Comezando pola Praza do Reló, e continuando pola Praza de Ignacio Sobrino, Rúa Oliva, Rúa Hernán Cortés, Praza de José María Lomba, Rúa Malteses, A Ribeira e Rúa Concepción Arenal.

 Alfombra de sal na Praza de José María Lomba

 A pesares de que na madrugada do domingo o vento fixo das súas, e mesmo impediu  que algúns alfombristas pudesen rematar á totalidade de alguns tramos, á labor desenvolvida foi seguida de preto por milleiros de persoas chegadas de diferentes pobos da contorna e mesmo doutros lugares do país. Feito que acredita a merecida fama dos tapices frorais de A Guarda, que certamente teñen moito mérito, máxime cando un ano máis, desde á institución non se lle deu a difusión que merecen as alfombras do Santísimo. E ainda así a afruencia de público foi a máis, ó longo de toda a mañá do domingo, e nas horas e intres previos a solemne procesión.

Pormenor da procesión do Santísimo Sacramento

 Rematada a misa solemne, deu comezo a procesión que contou coa participación de numerosas persoas, así como de diversas confrarías piadosas representadas polos correspondentes estandartes portados por membros das mesmas, que ían franqueados por nenos/as que fixeron súa Primeira Comuñón. Asemade, tamén ía o estandarte da Sección da Adoración Nocturna e o tra-lo palio portado por membros desa sección, ía a custodia co Santísimo Sacramento, portada polo P. Angel Luís Airas, director do Colexio PP. Somascos, de A Guarda. O seu carón, o párroco de Santa María de A Guarda, Jesús García Villadóniga

O Santísimo Sacramento baixo palio, autoridades e representacións cívicas

 Tamén ía unha representación da Policía Local de A Guarda, portando o pendón municipal, e inmediatamente despois varias autoridades civís e militares, e outras representacións cívicas. E pechando a procesión a Banda de Música da Agrupación Musical de A Guarda, dirixida por Víctor Luis Alonso Treinta.

 Desde Infogauda felicitamos a tódolas/os veciñas/os que fixeron posibles os fermosos tapices frorais na honra do Santísimo Sacramento, pois constitúen toda unha expresión do fervor popular é o mesmo tempo, unha magnífica mostra da creatividade e do traballo en equipo, da nosa xente.

GALERÍA DE IMAXES