Ángeles Vázquez recibe á alcaldesa de Oia para avanzar na mellora das infraestruturas rurais deste concello pontevedrés
A conselleira do Medio Rural, Ángeles Vázquez, reuniuse coa alcaldesa de Oia, Cristina Correa
Infogauda / Oia
A conselleira do Medio Rural, Ángeles Vázquez, reuniuse onte mércores, día 26 de xullo, coa alcaldesa de Oia, Cristina Correa Pombal, para abordar asuntos de interese para o agro deste municipio pontevedrés, relacionados coa fixación da poboación no rural e a mellora dos seus servizos.
En concreto, a rexedora municipal trasladoulle á conselleira peticións relacionadas con zonas de regadío e co traballo que levan a cabo diferentes comunidades de regantes. Ademais, solicitou a cesión dunha motobomba para a loita contra os incendios forestais, que a titular de Medio Rural comprometeuse a facer efectiva á maior brevidade posible.
Ningún comentario:
Publicar un comentario